-->

"هند" تطلب الطلاق: "أخته ضربتني وأنا حامل.. وجوزي قالي ارمي البنت في الزبالة"

"هند" تطلب الطلاق: "أخته ضربتني وأنا حامل.. وجوزي قالي ارمي البنت في الزبالة"
بعد أقل من عام على الزواج، أقدمت "هند. م" 26 عامًا، على إقامة دعوى طلاق حملت رقم 2588/2018، لاستحالة العشرة مع زوجها "أحمد. ع" 32 عامًا، بعد 

خلافات عديدة بينهما بسبب تدخلات أسرته الأمر الذي وصل لاتهام شقيقته الصغرى لزوجته بالاعتداء عليها بالضرب المبرح، ما سبب لها كسر في الجمجمة، وتحويل الواقعة إلى محكمة الجنايات، بعد رفض شقيقة الزوج التصالح مع الزوجة.

خطوبة لمدة عام تزوجا بعد مشكلات عديدة، تروي الزوجة لـ"هن": "من أول ما اتعرفنا وهو بيدخل أهله في كل تفاصيل حياتنا وبيحكي كل حاجة لأمه وأخته ويوم الخطوبة في الكوافير حصلت مشكلة كبيرة جدا بسببهم وإنهم عايزني أشتغل عندهم خدامة وعايزين يكسروني وهو ولا في دماغه".

خلافات طوال فترة الخطبة، تضيف الزوجة العشرينية: "بينفذلهم طلباتهم كلها وأخته الصغيرة عقربة بتقلبه عليا في ثواني وأي حاجة أطبها منه لازم تخليه يجيبلها زيها وزيادة كمان وبتغير مني جدا وهي سبب المشاكل كلها.. اتجوزنا في بيت عيلة وبقت تلقح عليا بكلام وحش في الداخلة والخارجة وتسخنه علي قبل ما يطلعلي وبتتفنن تضايقني.. مثلا تطلع الصبح عندي تلاقيني بطبخ تروح لما يرجع من الشغل تصر تخلي أمه تغديه عندها وأنا قاعدة مستنياه على الأكل ولما يطلعلي مياكلش ولما أزعل يقولي خلاص بقى مش بالعافية هاكل.. طول الوقت منكدة عليا".

بعد مرور نحو 6 أشهر على الحمل نشبت خلافات بين الزوجة وشقيقة زوجها بسبب عودة الزوجة متأخرة إلى المنزل خلال زيارتها لوالدتها، توضح: "كنت في الشهر السادس وراجعة بيتي الساعة يمكن 9 بالليل ولما دخلت قابلتها على السلم فقالتلي جاية منين دلوقت بقلة أدب قولتلها وإنتي مالك هو إنتي جوزي راحت مدت إيدها عليا وبدأت تشتمني وتبهدلني واتفاجئت بطريقتها القذرة وكلامها قدام أمها.. الجيران خلصوني منها بالعافية وروحت المستشفى وعملوا محضر كنت هموت ولما أهلي اتصلوا بيه قالهم تغور في داهية واتهمني إن أنا اللي ضربت اخته وجبتلها كسر في الجمجمة وقال كلام وحش جدا في حقي".

سلبية الزوج أمام أسرته تسببت في خلافات حادة: "سابني من الشهر السادس لحد ما ولدت ومسألش في ولا طلقني ولا رجعني ولما اتصلت بيه قولتله حرام عليك تعالى شوف بنتك حتى واكتبها باسمك.. اتهمني في شرفي وقالي مش عايزها ولا عايزك ارميها في الزبالة.. فرفعت دعوى طلاق وإثبات نسب".

جديد قسم : أخبارالحوادث

إرسال تعليق

ملحوظة : مشاركتك لهذا الخبر عبر اي موقع تواصل من المواقع السابقة تعطيك نقطة للدخول فى سحب يومي على موقع الحياة للفوز بجوائز قيمه .. قم بمشاركة هذا الخبر الان وادخل السحب وتنقل بين المواضيع التالية.