-->

الزوج: "مش عارف أعيش حياتي معاها بسبب التخن لكن مبتاخدش موقف"

الزوج: "مش عارف أعيش حياتي معاها بسبب التخن لكن مبتاخدش موقف"
زواج استمر نحو 4 أعوام، انتهى بالطلاق غيابيًا، بعدما قرر "رامي.ي" 31 عامًا، إنهاء ارتباطه من "خلود.أ" 26 عامًا،  أثمر عن إنجاب طفلة عمرها نحو 3 سنوات.

قصة حب تزوجا بعد فترة خطوبة نحو عام ونصف، يوضح لـ"هن": "حبينا بعض جدا كانت أخت صاحبي وقعدنا مرتبطيبن فترة قبل الخطوبة وبعدها اتخطبنا وجهزنا البيت واتجوزنا خلال الفترة دي كنت سعيد جدا في حياتي معاها وخلافاتنا كانت بسيطة".

تغير في شكل الزوج بدأ بعد الولادة، يضيف: "من أول الحمل وشكلها بدأ يختلف خالص وبعد الولادة كان وزنها فوق الـ100 كيلو وبعدها نزلت لـ96 تقريبا وفضلت مستحمل فترة الرضاعة رغم إن أختي وصحباتي كانوا بيخسوا عادي بس هي قالت هعمل دايت بعد الرضاعة ومفيش فايدة وفهمتها أكتر من مرة إني زهقان ومش عارف أعيش حياتي معاها طبيعية بسبب التخن لكن مبتاخدش 

موقف ولا محسساني إنه فارق معاها وبتستخف بالكلام بكلمة منا بعمل دايت ومبخسش وأنت متجوزني عشان رفيعة ولما تخنت هترميني يعني.. طيب أعمل حاجة حرام ولا أتصرف إزاي!".

استمرار في زيادة الوزن دون جدوى، يروي الزوج الثلاثيني: "كتير طلبت منها تروح لدكتور وتشوف ليه مبتخسش لكن مبتسمعش الكلام زهقت من شكلها ومقاساتها بقت رهيبة ومفيش فايدة.. قولت بالزوق والأدب وكل حاجة بقيت مكسوف أخدها معايا في أي مكان لأن شكلها أكبر مني في السن بسبب الوزن.. نبهتها أكتر من مرة ومفيش أمل تعيط وتزعل لكن مفيش سلوك إيجابي لحل المشكلة وأكتر من مرة هددتها بالطلاق ومفيش فايدة بردو مصرة على وضعها وأنا مقدرش أتجوز عليها أنا على قد حالي ومش عايز أعمل حاجة غلط أو حرام.. فطلقتها بهدوء".

جديد قسم : أخبارمصر اليوم

إرسال تعليق

ملحوظة : مشاركتك لهذا الخبر عبر اي موقع تواصل من المواقع السابقة تعطيك نقطة للدخول فى سحب يومي على موقع الحياة للفوز بجوائز قيمه .. قم بمشاركة هذا الخبر الان وادخل السحب وتنقل بين المواضيع التالية.