كيفية استيراد سياره مالك اول من اوروبا بنفسك بعيدا عن التجار

كيفية استيراد سياره مالك اول من اوروبا بنفسك بعيدا عن التجار

اذا كنت تبحث عن الاجراءات الكاملة والشروط لاستيراد سيارة مالك اول من اوروبا واجراءات تخلصيها فى مصر بعيدا عن التجار فتابع معنا المقال التالى علي الحياة الان والذي نوضح فيه بالتفصيل ماهو مطلوب :

شويه خطوات تتبعها وانت اللي كسبان... بدل ما تقع في جشع تاجر السيارات هنا في مصر


- لازم السيارة تكون بشهادة منشأ اتحاد أروبى.
- لازم تحصل علي (برفورما انفويس) فاتورة مبدئية يعنى ودي بتكون يا اما فاتوره شامله سعر الشحن او لا وده بيكون مذكور في الفاتوره 
- فوب (يعنى على ظهر المركب فى ميناء الشحن)
او
- سيف (يعنى واصل أسكندرية متضمن سعر الشحن والتأمين)
تمام لحد كده؟؟؟
- تاخد المستندين(اللي ذكرتهم فوق) دول وصورة بطاقتك وعلى البنك وتفتح حاجة اسمها اعتماد مستندى بناءا علي المستندات اللي معاك حيتفح الأعتماد.
هتبعته للى حتشترى منه هناك في اوروبا (صاحبك ابن عمك هيتوسطلك في القصه دي هناك) اول ما يشحن العربية ويبعت المستندات الأصلية للبنك مباشرة البنك يحول الفلوس.. مابعتش يبقا مفيش تحويل.

- معاك حاليا مستنداتك بعد الدفع تطلع انت على جمرك السيارات اللى فى مطار القاهرة.. قبل البوابات تدخل يمين.. يعنى مش تخش المطار.. اسأل على جمرك السيارات قبل الكارتة حيقولك خش يمين.. تروح تقولهم عايز اعمل افراج مسبق. إفراج اية؟؟ افراااااج مسبق؟؟ علشان متتبهدلش فى الجمارك فى اسكندرية ... ودى المستندات.

- الجمرك حيحددلك الرسوم والضريبة وكل المصاريف تدفع كل المصاريف وتاخد إذن الإفراج الجمركى المبدئى فى ايد حضرتك.

- لما توصل العربية الميناء تاخد اجازة يومين او تلاتة بالكتير.. وتروح اسكندرية تدخل الميناء وتشوف اى مستخلص علشان يحط اسمة على الورق وكل اللى حيعملة معاك حيفتحلك شهادة. 

بالشهادة دي تروح بيها على الجمرك ياخدوا بصمة الشاسية والموتور زى ما بيحصل فى الفحص كدة فى المرور اول ما يلاقيها مطابقة يعملك افراج نهائى وتستلم عربيتك. لو مكنش فى نفس اليوم يبقا تانى يوم بالكتير..
- تحط فيها بنزين خمسة وتسعين بلاش استخسار.. وتركب عربيتك وتوصل بألف سلامة لأقرب مرور ليك اللى انت تبعة.. تدخل عليهم تشترى دوسية فحص. وتقف فى الطابور وتحط اذن الإفراج فى الدوسية وحياخدوا البصمة. والبيانات حتوصلهم اوتوماتك من الجمارك. تدخل تدفع الضريبة ورسوم الرخصة. وتطبع الرخصة وتروح على البيت وبكده انهيت قصه استيرادك للسياره بنفسك.

المهم نقطع صوابع التوكيلات المفترية دي وبدل ما نقول خليها تصدي... احنا نسعي نجيب حاجتنا بايدينا.. 

صحيح نسيت اقولك.. ممكن حضرتك تانى يوم تبيع العربية عادى.. وتشترى واحدة تانية.. وممكن عادى برضوا تشترى واحدة تانية وانت معاك الأولى. بس بلاش استنصاح.. وتشترى نفس الموديل.. حتتقفش فى الجمرك ومش حيفرجوا عنها.. حيقولك اتجار.. لكن لو موديل تانى حتقولة انا حر عايز مودلين. عادى يعنى.... 

وكمان من حق المدام او والدك او اختك تجيب على اسمهم بنفس الطريقة.. ويبيعولك العربية عادى جدا برضوا بس بعد الإفراج الجمركى.. يعنى ممكن تبيع العربية اول ما تستلم الأفراج والمشترى يرخص بأسمة عادي. 

لغايه هنا والدنيا تمام... طيب لو حابب تعرف اسعار السيارات في اوروبا عامله ايه... هقولك سهل جدا ممكن تخوش علي اكثر من موقع او تنزل كذا ابلكيشن ع الموبيل هتقدر من خلالهم تدور علي الموديلات ذات المنشأه الاوروبي ( سكودا-فولكس واجن - فيات-بيجو- رينو...) وهتقدر تقييم الفلوس اللي معاك هتجيب بيها ايه مع العلم انك هتضرب اليورو بسعر الصرف الحر اللي هو ٢٠ ج وكسور وشوف الدنيا هتجيب معاك ايه. 

المنشور ده متعدل ومنقول لتعم الفائده...
لو استفدت منه ممكن تعيد نشره علي صفحتك عشان تفيد بيه غيرك
في مواقع كتيره تعرف منها الاسعار... ممكن تعمل سيرش علي جوجل والمواقع اللي ممكن تعرف منها اسعار الجديد واليوزد لان مسموح لك بردو تجيب سياره هيبرد (بنزين وكهرباء مهجن) يوزد بحد اقصى تلات سنين من العام الحالي.
وده موقع مثال وفي زيه كتير... 

🚫 http://m.autowini.com/main.do
وبخصوص التطبيقات موجوده كتير علي جوجل ستور هتأدي نفس الوظيفه... زي الابلكيشن ده
🚫 https://play.google.com/store/apps/details…

هذا المقال منقول من صفحة تخليص جمركي سفاجا


تابع ايضا : 

 “سيارة أمريكية بـ 75 ألف”.. إنخفاضات جديدة في أسعار السيارات وخبراء 25% هبوط في الأسعار

جديد قسم : استيراد سيارات اوروبا

  1. شكرا علي المعلومات دي بس انا عندي كام سؤال:
    1- لو أنا موجود بالفعل في أوروبا ايه الخطوات اللي اقدر اعملها من هنا علشان ابعت العربيه لمصر
    2- هل أقدر أبعت مصر اكتر من عربيه ولا هي عربيه واحده فقط
    3- لما انا اشتري العربيه من هنا واكون انا المالك الاول ليها يبقي اللي هيشتري في مصر العربيه هيكون هو المالك التاني صح ؟
    ياريت تفيدني علشان دورت في الموضوع ده كتير وللاسف ملقتش معلومات كتيره عن الموضوع ده

    ردحذف
  2. حاجتين مهمين عشان تاخد الافراج الجمركي
    ان الفلوس تتحول من مصر عن طريق البنك
    وان الورق كله يكون بإسم اللي هيروح الميناء يستلم من اول الفاتوره المبدئيه مرورا ببوليصة الشحن واوراق الاعتماد البنكي لحد الافراج الجمركي
    لو عايز العربيه باسمك يبقى هات فاتورة مبدئيه من المكان اللي هتشتري منه العربيه وتنزل مصر تحول فلوسك وتخلص ورقك كله

    ردحذف
    الردود
    1. يا باشا انا مستخلص جمارك و بقولك الكلام ده كلام فارغ مينفعش فرد يعمل اعتماد مستندي لازم شركه أو مصنع، مينفعش فرد يعمل إفراج مسبق لأنه بيحتا٠ رقم تعامل مع الجمارك مينفعش فرد يستورد بنفسه الا اذا كان معاه جواب قمسيون و من ذوي الاحتياجات الخاصه
      لو حبيت تستفسر اكتر
      كلمني هاني عبد الفتاح ،
      تليفون 01007810494

      حذف
  3. هل الكلام ده ينطبق علي المستعمل أيضاً
    هل ممكن اعرف جمارك السياره قبل ما اشتري

    ردحذف

ملحوظة : مشاركتك لهذا الخبر عبر اي موقع تواصل من المواقع السابقة تعطيك نقطة للدخول فى سحب يومي على موقع الحياة للفوز بجوائز قيمه .. قم بمشاركة هذا الخبر الان وادخل السحب وتنقل بين المواضيع التالية.