عاجل..كارثة حقيقية: “الإيدز” ينتظر شباب الإسكندرية



طبيب يفجر كارثة حقيقية: “الإيدز” ينتظر شباب الإسكندرية


فجر طبيب يدعى حاتم البنا، كارثة عندما تحدث عن احتمالية انتشار مرض نقص المناعة المكتسب «الإيدز» داخل الإسكندرية، وذلك عن طريق فتاة اكتُشف عندها وعرف قصتها بالمصادفة.

وقال حاتم البنا، عبر حسابه الخاص على موقع فيس بوك ” جاتلى من كام يوم واحدة ست شيك فى أواخر الأربعينات ومعاها بنت حاجة وعشرين سنة، من ملابس البنت وشكلها واضح إنها عايشة فى الشارع… المهم الست دى كانت ماشية وشافتها صعبت عليها جابتها تكشف عليها”.

وأضاف “المهم كشفت عليها كشف ظاهرى كده البنت واعية كويس وبتفهم كويس مش متخلفة عقليا يعنى، وهى متعرفش أهلها، هى طلعت لقت نفسها فى الشارع، طبعا جسمها كله سحجات خفيفة كده، وشكيت من الكشف إنها حامل لأن بطنها كانت كبيرة شوية، سألتها: أنتى متجوزة؟ قالت: لا.. استدعيت دكتور النسا عملها سونار وفعلا طلعت حامل فى أربع شهور ومكانتش تعرف، وقالت إنها كانت حامل قبل كده وسقطت فى الشارع كده من غير أى رعاية طبية”.

وتابع “سألتها مين والد الجنين، قالت معرفش، فى كذا حد بيعتدى عليها جنسيا وهى كانت بتقاوم زمان بس لقت إنها بتتضرب وتتعور وفى الآخر بياخدوا اللى هما عاوزينه (على حد تعبيرها) فمبقتش تقاوم. وعلى حد وصفها إنهم بالمئات؛ لأن كل واحد كان بينجح أنه يعمل معاها حاجة كان المرة اللى بعدها بيجيب أصحابه معاه، وأصحابه يجيبوا أصحابهم”.

تابع ايضا

شارك الموضوع

أخبار اخرى